Поранешната германска канцеларка Ангела Меркел е подготвена да биде посредник во решавањето на конфликтот меѓу Русија и Украина.
– Путин треба да се сфати сериозно, подготвена сум да бидам посредник, вели Меркел во интервју за германската медиумска мрежа РНД.
Таа објаснува дека би се вклучила во подоцнежна фаза, додавајќи дека од неа „не било ни побарано да интервенира“.
Според Меркел војната во Украина претставува „пресвртница во европската историја“.
Таа ја призна и сопствената немоќ на крајот на нејзиниот мандат.
Во интервјуто за германската медиумска мрежа РНД, Меркел изјави дека лани се обидела да разговара со Путин за европскиот безбедносен поредок, но дека рускиот лидер не бил заинтересиран.
– Беше јасно дека нема уште долго да бидам на функција и затоа констатирав оти разни обиди да се влијае врз него нема да имаат ефект. Од една страна, Путин веќе не беше подготвен за нов самит во стилот на Нормандиската четворка, а од друга страна не успеав да започнам дополнителен руско-европски формат за дискусија за поредокот на европската безбедност, изјави Меркел.