Резултатите од излезните анкети од парламентарните избори во Германија покажуваат дека Христијанско демократската унија со коалицијата на канцеларката Ангела Меркел е во големо водство – 32,9% , онака како што покажаа и предизборните анкети.
Но Социјалдемократите според овие анкети имаат поддршка од 20,8 отсто, со најлошиот резултат по Втората Светска војна.
Трета сила е Алтернатива за Германија (АФД) со 13,1 отсто и за првпат ќе влезе во Бундестагот.
Анкета на ЗДФ покажува дека оваа антисиламистичка партија има најголема подршка во Источна Германија и тоа посебно од машката популација.
Четврти се Либералите со 10,5, петти се Зелените со 9,1 проценти од гласовите и на крај Левицата со 8,7%.
Според овие резултати, проекцијата на освоени парламентарни места е:
ЦДУ-ЦСУ 217
СПД 134
АФД 89
Либералите 70
Зелените 62
Левица 59
Во обраќањето пред поддржувачите Меркел изрази надеж дека откако ќе заврши пребројувањето на гласовите резултатите ќе бидат подобри, истакнувајќи дека оаа победи значи исклучителен предизвик.
Таа призна дека се надевала на подобар резултат, но додаде дека Унијата ги постигнала стратешките цели – да освои најголем број гласови, да добие мандат за составување влада и да не може да се состави влада без Унијата. Сега, според Меркел, треба да се постават основи за на Германија да ѝ оди добро и во наредните 5, односно 10 години. Треба да се работи на економска благосостојба, на одржување на ЕУ, на изградба на силна Европа, како и на борба против илегалната миграција.
-Имаме мандат за преземање на одговорноста. На тоа ќе се нафатиме со сета сила, но и со сиот мир во разговорите со другите партнери, рече Меркел.
Таа вети дека ќе биде отворена да ги слушне загриженоста и сето она што ги вознемирува граѓаните, посебно гласачите на Алернативата за Германија со цел да ги придобие.
Иако пред изборите, аналитичарите предвидуваа дека најочекувана постизборна коалиција би била онаа на двете најгоолеми партии ЦДУ и СПД, генералниот секетар на СПД Хубертус Хеил за ЗДФ изјави дека неговата партија сака да биде опозиција во корист на парламентарната демократија.
Тој воедно ја отфрли можноста за повторно формирање на „голема коалиција“ со ЦДУ.
Но шефот на Кабинет на Меркел Петер Алтмеер за ЗДФ изјави дека партијата не ја отфрла можноста за соработка со СПД, истакнувајќи дека ќе им пристапат на сите партии за коалицирање.
Кристијан Линднер, лидер на германските Либерали рече деја неговата партија се уште не добила понуда за коалиција од ЦДУ ЦСУ, но дека би прифатиле ваква покана.
Зелените изјавија дека нивен приритет ќе бидат Европа и климатските промени.
Мартин Шулц од СПД им порача на Либералите и на Зелените да не се грижат бидејќи Меркел ќе им даде се што сакаат за да остане канцеларка.
-Знам како одат тие коалициски разговори, изјавин Шулц.
Во дебата што следуваше по соопштувањето на првичните резултати Шулц и рече на Меркел дека најголемиот губитник од овие избори.
Еден од лидерите на АфД Александер Гауланд рече дека имаат намера да ја променат земјата.
-Ќе тргнеме да ја урнеме Меркел или кој и да формира влада. Ќе си ја вратиме нашата земја и нашиот народ назад, рече Гауланд пред поддржувачите.
Честитки за изборниот резултат за германските радикали пристигнаа директно од лидерката на француските ултрадесничари Марин ле Пен.
Токму резултатот на Алтернативата з Германија предизвика протести во повеќе градови, но најмасовни беа во Берлин, Келн и Франкфурт.
