Министерот за животна средина и просторно планирање, Башким Амети, уште на 25 јануари до Владата предложи мерки за намалување на загадувањето на воздухот, кое е приоритетен проблем со кој се соочуваат граганите.
Мерките кои Министерството за животна средина и просторно планирање ги предлага до Владата на Република Македонија се:
• Воведување на сообраќаен режим пар-непар односно предлог за измена на законот за безбедност на сообраќајот на патиштата и
• Владата на Р. Македонија да ги задолжи сите државни и јавни институции и да им препорача на локалните самоуправи за 50% да го намалат користењето на службените возила кое Министерството за животна средина веќе го спроведува во пракса;
За таа цел министерот за животна средина и просторно планирање имал средба со претставниците на граѓанските здруженија на кои дискутирале за актуелните проблеми со квалитетот на амбиенталниот воздух и за предлог мерките за намалување на аеро-загадувањето. Овие мерки, според министерството, на краток временски период би дале видливи резултати во намалување на загадувањето на воздухот.
Но, оттогаш поминаа 10 дена, а Владата не се изјаснила за предлогот на министерот Амети. Во овој период, освен за коалиции и формирање на нова влада, не се споменува ниту една друга тема.
Како што објави НОВАТВ, Вечерва во општина Карпош достигната е најмаксимална загаденост досега. Во оваа општина новото на отровните ПМ 10 честички е 30 пати повисоко од дозволеното и изнесува 1219 на м3.
Нивото на ПМ 10 честичките е високо скоро во сите општини. На мерната станица кај Ректоратот измерени се 754 ПМ10 честички на м3, а во Гази Баба 696. Во Лисиче нивото е 636, а во Центар и во Куманово 479.