Времето денеска ќе биде променливо облачно и нестабилно со локален пороен дожд, грмежи и засилен ветар, а на места ќе има услови за поинтензивни процеси во форма на краткотрајно невреме, информира Управата за хидрометеоролошки работи (УХМР).

Утринската температура ќе се движи од 12 до 20 степени, а дневната од 22 до 31 степен.

Во Скопје и околината времето ќе биде променливо облачно и нестабилно со локален пороен дожд, грмежи и засилен ветар. Утринската температура ќе достигне до 18 степени, а дневната до 28 степени.