Бварското министерство за внатрешни работи на Германија соопшти дека три лица се убиени во нападот кој попладнево се случи во трговски центар во Минхен. Нападот почнал во ресторан за брза храна околу 18 часот по локално време, а медиумите шпекулираат со различни биланс на загинати лица. Портпаролката на полицијата изјавила дека има „неколкумина мртви и ранети“.
Убиецот (или убијците) се уште се во бегство. Тоа ги принуди властите да го затворат сообраќај во баварскиот град. Областа е преплавена со специјални полициски тимови, а луѓето се советуваат да не ги напуштаат своите домови и да ги избегнуваат јавните места.
Како што претходно објави „Билд“, вооружен маж трчал низ трговскиот центар и пукал во луѓето. После тоа избегал кон метрото. Сепак, според сведоци на настанот, во областа околу трговскиот центар забележани биле три наоружани лица.
Ова е втор напад во Германија неделава. Безбедносните сили во Германија се во состојба на подготвеност откако во понеделникот имигрант од Авганистан со секира и нож изврши напад во воз рани пет лица во Баварија. Властите предупредија на опасност од нови напади.