Министерката за култура Елизабета Канческа Милевска денеска се извини што новата зграда на Стариот театар не е пуштена како што беше најавено. Како главна причина таа го наведе раскинувањето на договорот со фирмата „Конструктор инжинеринг“ и распишување на нов тендер со друга фирма. Се доцнело и со партерното уредување и поставувањето на позлатената орнаментика, заради временските услови.
„Се извинувам за доцнењето, но сакаме квалитетно и комплетно да ги завршиме работите. Планираме театарот да го предадеме со целокупно уредување со цел мебел.“, рече Канческа Милевска
Новиот театар ќе биде отворен на крајот на мај со отворање на музејска поставка за историјата на македонскиот театар, која ја конципирала Јелена Лужина.
Камен темелникот за новиот театар, на темелите на стариот, беше поставен во 2008 година, беше планирано да чини 6 милиони евра, но, министерката за култура Канчевска Милевска се уште нема точни податоци колку чини новиот театар.
Според податоците што се достапни од Бирото за јавни набавки, цената за изградба и опремување на Стариот театар достигнува сума од повеќе од 39 милиони евра. Оваа бројка е добиена од објавените податоци за склучени договори.
Според архитектот Јован Стефановски-Жан, се работи за седумгодишен процес во кој идеите се менувале и дополнувале во од и фазите биле последователни. Истакна дека објектот е граден во истосриски контекст зашто целта била да се продолжи мислата на старите градители, но стариот театар да се збогати со нови идеи.
Според режисерот Дејан Пројковски сумата од 39 милиони не ништо споредена со хонорарите на холивудските актери.
Од склучувањето на првиот договор за изградба на Стариот театар во 2007 година, договор кој не е објавен на интернет страницата на Бирото за јавни набавки па до 25 март 2013 година. Овој последен договор од милион евра за изведување на противпожарни машински инсталации го добила скопската подружница на австриската фирма Страбаг. Тоа е фирма која што склучила со Министерството вкупно 8 договори во вредност од 13,5 милиони евра, од кои за дел е наведено дека се однесуваат на дополнителни и непредвидени работи, а дел се однесуваат на изведба на машински инсталации и за набавка на мебел.
Цената се зголемувала со дополнителни договори кои се однесуваат на непредвидени трошоци, без при тоа да биде наведено какви било детали за нив.
