Руските војници го зазедоа главното упориште на украинските вооружени сили во Донецк, заробувајќи најмалку десет украински војници, објави руското Министерство за одбрана.
Во соопштението се наведува дека припадниците на руската војска зазедоа упориште на украинската армија во областа на една од населбите на правецот Александар-Калиновски, и дека за време на борбите биле уништени оклопен транспортер М113 од американско производство и тенк, како и дека екипажот на тенкот и најмалку десет војници на украинските вооружени сили биле заробени, пренесува Локално.мк.
Според податоците од руското Министерство за одбрана, за еден ден, во зоната на одговорност на Јужната група, вооружените сили на Украина изгубија повеќе од 110 војници, четири оклопни борбени возила, девет автомобили, три парчиња полева артилерија и складиште за муниција.