Бродот “Мис Стон“, кој делумно беше потонат во каналот Студенчишта и од кој беше излеана мала количина нафта денеска е извлечен од водите на езерото.
Со помош на брод од Хидробиолошкиот завод и дигалка бродот беше исправен и прицврстен во близина на хангарот од Хидробиолошкиот завод.
Од Општина Охрид информираат дека во наредните денови бродот да се дислоцира од каналот. Во целиот зафат учествуваше и екипа на ЈП “Нискоградба“, која со пумпи претходно ја отстрани водата од внатрешноста на бродот.
Во текот на вчерашниот ден, екипа од Капетанијата и пристаништа од Охрид, со специјални абразивни средства, успејаа да ја неутрализира најголемата количина излеана нафта.
Бродот „Мис Стон” во каналот е вкотвен со години. За него долго време никој не се грижеше. Најверојатно поради дотрајаност на пловилото водата навлезе во него и тоа се наведна на една страна и натаму полека тоне.