Миша Зверев го одигра натпреварот на кариерата во Мелбурн. Во осминафиналето го совлада Енди Мареј, лански финалист на турнирот, и ги шокира сите на Австралија опен и во светот на тенисот воопшто. Педесеттиот светски рекет беше во транс по највредниот триумф.
„Како да сум во кома. Од почеток до крај играв само сервис и волеј. Немам поим како го направив ова. Подобро кажете ми, вие гледавте“, се обрати Зверев кон новинарите на прес-конференцијата по мечот.
Публиката на момент помисли дека германскиот тенисер ќе нема сила за комплетирање на сензацијата. Се чинеше како Зверев да паѓа во криза што ќе биде фатална по него во поглед на конечниот исход, па претставниците на седмата сила ги интересираше што му мина низ глава и како го надмина проблемот.
„Погледнав во мајка ми. Таа секогаш се смее во такви ситуации. Тоа ми помогна“, истакна повозрасниот од браќата Звереви кој го четврт-финалето го чека Федерер или Нишикори.