Денеска сме тука затоа што сакаме да направиме паралела со сето она кое што се случува во ова наше тешко реално секојдневие политичко, а истата таа паралела не сакаме да биде со онаа паралелна прослава на Владата, затоа што ВМРО не учествува во паради кои ги прави власта, и кога на власта и е поедноставно, поудобно, да ги гази дебелите килими во Собранието, да парадира низ Скопје, на ВМРО-ДПМНЕ му е чест и поудобно да биде овде во Битола заедно со народот, додаде меѓу другото Мицкоски од прославата што партијата ја организира на градскиот плоштад во Битола.
Претседателот на ВМРО-ДПМНЕ Христијан Мицкоски, чија партија организира прослава на Денот на независноста во Битола, од плоштадот Магнолија го честита празникот и побара прошка за се што не е направено и се заблагодари за се што ни било дадено.
-Денес на овој 8 септември, одовде од Магнолија, преку Широк Сокак, до Пелистер и подалеку имам една порака: Честита независност Македонијо Честита независност Македонија, Да си ни жива и здрава. И вековита. Ти благодарам за што ни даде, и прости за се што не направивме, а можеше да се направи.Нашата земја е нашиот храм во која веруваме.. Затоа што Македонија е п овеќе од само држава, тaa e емоција, нашите успеси, нашето страдaње… Но и нашите судбини. Знам и поорганизирани и поразвиени држави од нашата, но само Македонија е во нашите срца, незаменлива болка и среќа. Постојана борба. Не сме дрво без корен, и работата е што корењата се премногу длабоки, а сеќавањата не напуштаат лесно. И не дека и во минатото не се правеле грешки во историјата, но секогаш имало мудрост да се прескокнуваат препреките. Нашето дрво беше засадено со крвта и страдањата на многу генерации кои веруваа во слободата, но овие 30 години истото сериозно е навалено и натежнато. Затоа можам со горко чувство и со тага во мене да соопштам дека овие 30 години ги разочаравме основачите на независноста на државата, изјави во своето обраќање Мицкоски.
Тој се осврна на блокадата за ЕУ, а според него тоа било потврда дека сме немале цели кон кои сме се стремеле и се движиме.
-Потребно е да се има мудрост, како што беа мудри и Глигоров и Кљусев, како што мудро се водеше политиката од експертската влада која ја застана на нозе земјата. И низ бури и низ премрежја не дозволија темелите да бидат разнишани. Апатијата, затворениот круг ја одзема енергијата кај народот и го прави индиферентен кон случувањата, кон оние кои владееја до транзицијата, но и оние кои им се продолжена рака, нивни најдобри синови и ќерки. И одбивам да влегувам во кампања на меѓусебни обвинувања, клеветења, расипани игри од кој полза имаат само оние кои ги ползуваат придобивките од власта, на еден нечесен и лукративен начин. Сакам само да појаснам дека оваа нова генерација на луѓе кои се занимаваат со политика со мачнина гледа на обидите сите да не вовлечат во нивната игра на меѓусебни обвинувања. Тоа не е наша цел, подвлече во обраќањето Мицкоски.
Тој пред Битолчани објасни зошто се одлучиле да прослават независност на државата во Битола, покрај тоа, што како што рече, дека Битола била негов приоритет.
-Денеска сме тука затоа што сакаме да направиме паралела со сето она кое што се случува во ова наше тешко реално секојдневие политичко, а истата таа паралела не сакаме да биде со онаа паралелна прослава на Владата, затоа што ВМРО не учествува во паради кои ги прави власта, и кога на власта и е поедноставно, поудобно, да ги гази дебелите килими во Собранието, да парадира низ Скопје, на ВМРО-ДПМНЕ му е чест и поудобно да биде овде во Битола заедно со народот, додаде меѓу другото Мицкоски од прославата што партијата ја организира на градскиот плоштад во Битола.