Претседателот на ВМРО-ДПМНЕ Христијан Мицкоски и потпретседателот на партијата Александар Николоски денеска во Будимпешта се сретнаа со унгарскиот премиер Виктор Обран.
Како што соопштија вечерва од партијата, на средбата разговарале за „актуелната политичка и економска состојба во земјава, главните предизвици со кој таа се соочува, за стратешките интереси и перспективи на Република Македонија како и прашања поврзани за меѓусебна соработка на партиско ниво меѓу партиите на Мицкоски и Орбан во рамките на Европската Народна Партија“.
-Мицкоски посочи дека за ВМРО-ДПМНЕ исклучиво важни се европските перспективи на Република Македонија кои се загрозени од неодговорната Влада на Заев. Во тој контекст претседателот на ВМРО-ДПМНЕ Христијан Мицкоски изрази загриженост поради криминалите и корупциските скандали со кои се соочува Владата на премиерот Заев, како и отсуството на правни разрешници на таквите криминални афери кои го загрозуваат функционирањето на правната држава, се вели во соопштението.
Сепак, како што стои во соопштението, Мицкоски рекол дека е потребно земјава да добие датум за преговори поради, како што се наведва „фактот што граѓаните не смеат да бидат заложник на неспособноста на Владата како и поради потребата да се воспостави уште еден контролен механизам врз владата преку поблиско мониторирање на нејзината работа од страна на европските институции“.
Како што претходно соопштија од партијата, Мицкоски во Будимпешта нема да се сретне со поранешниот претседател на партијата, сега почесен, Никола Груевски, кој има статус на азилант во Унгарија од ноември минатата година. Тој побегна од земјава откако Судот му ги одби сите поднесени жалби за одложување на казната и тој требаше да замине во затвор. За случајот „Тенк“, Груевски беше осуден на две години затвор.
ВИДЕО- Груевски на сослушување во Судот во Будимпешта – се одлучува за негова екстрадиција
Груевски на слобода- Судот во Будимпешта не ја одобри екстрадицијата