Министерството за надворешни работи упати реакција до надлежните служби во ЕУ поради тоа што на официјалната веб страница во врска со одржувањето на Самитот ЕУ-Западен Балкан, наместо македонски, стои јазикот на ПЈРМ.
-Преку Постојаната Мисија на Република Македонија во ЕУ, МНР испрати официјална реакција до надлежните служби во Европската Унија, а во врска со погрешното именување на нашиот јазик на веб страницата на ЕУ. И во претходни вакви или слични случаи, како и сега, Министерството за надворешни работи на Република Македонија редовно упатува реакција со која се бара корекција и именување на јазикот како македонски, се вели во соопштението.
Според МНР оваа пракса е резултат на долгогодишниот спор со Грција.