Црната боја е секогаш во мода, но новиот тренд е да се додаде и малку бело за да се освежи изгледот. Погледнете ја модната рубрика на стилистката на британскиот „Гардијан“, Џес Картнер Морли. Таа предлага идеи за тоа како да се носат црно белите комбинации.
Оваа недела зборуваме за црното и белото. Модната приказна во моментов е приказна за едноставноста. Приказната за болната потрага во некоја „винтиџ“ продавница да најдете парчиња што не се совпаѓаат, за да направите комплицирани слоеви, е фала богу, засега завршена. Опуштеноста е „аут“ строгата кројка е „ин“. Што се однесува на боите, новата комбинација за 2013 е најстарата што постои: црно-белата.
Црната боја, очигледно е секогаш во мода, па да се носи бело црна комбинација на модерен начин, значи да додате бело, да ја зачините вашата црна гардероба со бело. Ако помислите на Хавиер Бардем во филмот за Бонд, со русата коса тоа е интересно, тое е сега модерно. Црно белата комбинација е едноставна, но она што треба да се одбегне е обичната бела кошула со обични црни пантолони, бидејќи ако така се облечете – тешко дека некој ќе помисли дека имате силен моден израз.
Тоа повеќе ќе личи на некоја униформа и не е добра комбинација. Затоа треба да додате една црна пруга како оваа и да облечете црни пантолони или една друга комбинација што ја имаме овде и која е поженствена верзија. Тоа е оваа луза од „Зара“ со ова тесно здолниште од “Ривер ајланд“. Друга опција е да се измеша со црно бел графички изглед.
Го сакам овој џемпер од „Топ шоп“ нависитна е фин, забавен и удобен заедно со овие пантолони. Веројатно најлесниот начин да постигнете модерен изглед е да ги извртите парчињата што нормално би ги облекле: црното горе, а белото доле, тоа е изненадувачки ефектно. Имам овде две такви комбинации: џемпер од „Вислс“ кој мислам дека многу добро изгледа со овие елегантни пантолони од “Топ шоп“.
И последната, поженствената верзија е оваа кошула од „Асос“ со ова многу убаво здолниште од “Јегар“. Ја сакам оваа комбинација, зашто здолништето има панделка на предниот дел, а кошулата има навистина убава голема панделка на задниот дел.