Висок турски владин претставник изјави дека верува дека телото на убиениот новинар Џамал Кашоги било уништено во киселина, откако претходно било искасапено објави Би Би Си.
Јасин Актеј рече дека “единствениот логичен заклучок” е дека оние што го убија новинарот во Истанбул го уништиле телото “да не остават трага зад себе”.
Познатиот критичар на саудиските владетели, Кашоги беше убиен, а неговото тело распарчено на 2 октомври.
Не се обезбедени форензички докази за да се поддржи тврдењето дека телото било искасапено.
“Причината зошто тие го искасапиле телото на Кашоги е за да полесно ги отстранат остатоците”, рече Актај, советник на турскиот претседател, во интервјуто за весникот “Хуријет”.
„Сега гледаме дека не само што го распарчиле неговото тело, туку направиле тоа и да не постои“.
Ваквите тврдењата се објавени, откако свршеницата на Кашоги, Хатиџе Ченгиз, ги повика светските лидери да ги изнесат сторителите пред лицето на правдата, во уводник објавен во пет весници, вклучувајќи ги Гардијан и Вашингтон пост.
Во меѓувреме, во извештаите се цитираа саудискиот наследник Мохамед бин Салман, како им кажува на претставници на САД дека убиениот новинар Џамал Кашоги е опасен исламист.
Саудиска Арабија ги негираше информациите дека кралското семејство било вклучено во убиството и рекоа дека се „одлучни да ги дознаат сите факти”.
Обвинителот во Истанбул, во средата потврди дека Кашоги бил задавен веднаш отако влегол во амбасадата на Саудиска Арабија.