Џулермо Кочез, поранешен амбасадор на Панама во Организацијата на американските држави, тврди дека претседателот на Венецуела Хуго Чавез е клинички мртов два месеци.
Кочез за најстариот панамски весник La Estrella de Panamá изјавил дека мозочната смрт кај Чавез настапила уште на 30 декември минатата година. Тој додава дека смртта на претседателот на Венецуела службено била прогласена пред четири дена, кога ќерките на Чавез од докторите побарале да го исклучат од апаратите.
Панамскиот дипломат тврди дека неговите извори во венецуелската влада му потврдиле дека Чавез е мртов, и дека таа информација веќе неколку дека кружи меѓу политичарите во Венецуела.
Во истоврме иста информација објави и чилеанската редакција на CNN која истакна дека информацијата за смртта на Чавес се уште не е официјано потврдена. Веста за наводната смрт на Чавез, повикувајќи се на изјавата на Кочез, ја објавија бројни медиуми во Јужна Африка. Но, од ниту еден релевантен светски медиум се уште нема потврда.
Според Кочез и последните фотографии со ќерките, на кои Чавез чита весник, се фотомонтажа. Според него едната од ќерките неодамна го оперирала носот, нешто што на фотографиите не се гледа. Очигледно е и тоа што Чавез на фотографиите има многу повеќе килограми отколку што имал пред операцијата, што е невозможно, смета Кочез.
Првиот релевантен странски медиуми на англиски јазик кој го објави текстот за наводната смрт на Чавес е The Atlantic Wire, но со наслов: „Немојте се уште да им верувате на информациите за смртта на Хуго Чавез“. Новинарот Адам Кларк Истес во текстот пишува дека информацијта доаѓа од малите подружници на SNN.
Естес вели дека не е невозможно Чавез навистина да е починат, но во прашање е кредибилноста на изворот, кој би можел да биде најобичен теоретичар на завера. Инаку, Кочез останал без својата амбасадорска позиција токму поради тоа што јавно зборувал против Чавез и венецуелската влада.