Министерството за труд и социјална политика (МТСП) апелира до компаниите да ја почитуваат законската обврска за исплата на К-15 до крај на годината.
„Исплатата на регресот за годишен одмор (К-15) е право коешто е утврдено со Спогодба за изменување и дополнување на Општиот колективен договор за приватниот сектор од областа на стопанството. Во Спогодбата е утврдено дека работникот има право на регрес за годишен одмор во висина од најмалку 40% од основицата, под услов работникот да работел најмалку 6 месеци во календарската година кај ист работодавач“, е наведено во соопштението на МТСП.
Од МТСП нагласуваат дека Државниот инспекторат за труд е надлежен орган да врши инспекциски надзор над примената на правата и обврските на работниците и работодавачите утврдени со Закон и со Колективен договор.
Истовремено се охрабруваат работниците да пријавуваат неисплатата на К-15 на дежурниот телефонски број 15131 на Државниот инспекторат за труд.