Министерството за транспорт и врски денеска реагираше на прес конференцијата на министерката за труд и социјална политика, Фросина Ременски во која таа обвини дека Министерството за транспорт делело социјални станови на гласачи од Пустец, на лица кои не ги исполнуваат условите за тоа, како и на функционери на ВМРО-ДПМНЕ.
„Техничката министерка Ременски говори невистини и зборува за некаква партиска распределба на социјални станови, но таа е истата техничка министерка Ременски која упорно ја уценуваше Комисијата за распределба на социјалните станови да и доделат стан на лице од Прилеп кое е во блиски роднински односи со висок функционер на СДСМ. Таа е истата техничка министерка Ременски која упорно одбиваше 119 лица да се вселат во социјалните станови, бидејќи не и беше удоволено барањето, стан да добие партиски член на СДСМ“, велат од Министерството.
Од министерството транспорт и врски тврдат дека постапката за распределба е направена согласно законските прописи и на транспарентен начин.