Социјални станови им се делеле на гласачи од Пустец, на адреса на социјалните станови с запишувале фантомски гласачи, функционери од ВМРО-ДПМНЕ си земале за себе социјални станови во Охрид, а во Прилеп вакви станови им биле доделувани на лица кои не ги исполнуваат условите и критериумите. Ова го открила ревизијата на распределбата на социјалните станови, рече денеска на прес конференција министерката за труд и социјала Фросина Ременски, одговарајќи на новинарски прашања.
„Многу злоупотреби се направени со распределбата на социјалните станови. Социјални станови им се делеле на гласачи од Пустец, на адреса на социјалните станови с запишувале фантомски гласачи, функционери од ВМРО-ДПМНЕ си земале за себе социјални станови во Охрид, а во Прилеп вакви станови им биле доделувани на лица кои не ги исполнуваат условите и критериумите. И сето ова се случувало само два дена откако на министрите од СДСМ им беа констатирани оставките во првиот мандат“, рече Ременски.
Таа денеска рече и дека злоупотреби се откриле и во давањето на социјална помош. Како што рече Ременски 134 лица од Тетово добивале социјална помош речиси две години по смртта.
-Составив шестчлена комисија која правеше проверки во неколку Центри за социјална помош и пронајдоа голем број злоупотреби. 134 лица од Тетово добивале социјална помош речиси две години по смртта, а дел од нив се уште се наоѓаат во Избирачкиот список. Ова е само дел од она што го пронајдовме, а во текот на следните денови ќе објавиме злоупотреби и во други градови, рече Ременски.