Специјалниот советник Роберт Мулер предупреди дека може да издаде налог за американскиот прретседател Доналд Трамп да се појави пред поротата од федерално истражители, како дел од истрагата за наводните руски изборни мешања, објавуваат денедка американските медиуми.

Ова Мулер наводно го предложил за време на разговорите со адвокатите на Трамп во март.

Налогот ќе го принуди претседателот да се соочи со истражителите.

Ова е првпат специјалниот советник да ја спомене можноста, Трамп да биде принуден да сведочи за руското влијание врз неговиот избор за претседател.

За што се разговарало во март

За време на состанокот во март, адвокатите на Трамп инсистирале на тоа дека претседателот нема обврска да се соочи со прашања од федералните истражители во врска со истрагата за руската вмешаност, објави весникот Вашингтон Пост, повикувајќи се на четири лица кои се запознаени со детали од средбата во март.

Тимот на Мулер, наводно, одговорил на тој начин што сугерирарало дека ќе издадат судски налог, доколку Трамп одбие. Тие се согласиле да им обезбедат на адвокатите на претседателот конкретни информации за прашањата што би му биле поставени на Трамп.

Поранешниот адвокат на Трамп, Џон Доуд, во вторникот за новинската агенција Ројтерс изјави дека Мулер на состанокот ја споменал можноста дека Трамп ќе биде принуден да се соочи со прашањата на истражителите.

Дауд, кој поднесе оставка една ипол недела по состанокот, рече дека им изјавил на истражителите дека истрагата не е “некоја игра”, додавајќи дека не треба да си „играат со работата на претседателот на САД”.

Што се знае досега

Во понеделникот, претседателот го критикуваше Њујорк тајмс за објавување на повеќе од 40 прашања што Мулер, би му ги поставил на Трамп како дел од истрагата за руската вмешаност.

Тој во вторникот на Твитер објави дека протекувањето на прашања за медиумите е “срамно”, додавајќи: “Се чини дека е многу тешко да се попречи правдата за злосторство што никогаш не се случило”.

Листата на Мулер со прашања, наводно, се движи од сослушување за мотивите на претседателот за смената на поранешниот директор на ФБИ, Џејмс Коми, во мај минатата година, до неговиот однос кон јавниот обвинител Џеф Сешнс по неговото изземање од истрагата.

Едно од прашањата директно се однесува на Пол Манафорт, поранешен претседател на кампањата на Трамп, односно какви се сознанијата на  Трамп за врските на Манафорт со Русија.

Според “Њујорк тајмс”, Мулер, исто така, планира да побара од Трамп одговор за можна координација на неговата изборна кампања со Русија, врз основа на списокот што го добил од некој друг, не од адвокатите на претседателот.

Портпаролот на Белата куќа Раџ Шах изјави дека извештајот на Тајмс е “проблематичен”.

Што истражува Мулер?

Специјалниот совет ги разгледува обидите на Русија за влијание врз исходот од американските претседателски избори во 2016, без разлика дали се работи за заговор меѓу Кремљ и изборната кампања на Трамп или дали претседателот незаконски се обидел да ја попречи истрагата.

Мулер беше назначен за специјален советник откако Трамп го отшушти директорот на ФБИ Џејмс Коми минатиот мај.

Трамп тврди дека нема заговор меѓу неговата изборна кампања и Русите.

Американските медиуми објавија дека извори запознаени со случајот, тврдат дека Мулер ги информирал  адвокатите на Трамп во март дека претседателот е предмет на истрага, но не е цел на кривично гонење.

Засега не е познато кога Мулер ќе побара средба со претседателот Трамп.