Внатрешната контрола на Министерството за внатрешни работи ќе го истражува вчерашната тепачка во скопската населба Бутел во кој се вмешани двајца припадници на специјалната единица Алфи.
Во тепачката беа повредени четворица.
Од МВР велат дека во инцидентот биле вмешани и вработени во МВР, но тие во тој момент не биле на должност.
– Во сите случаи кога има инволвирани вработени во МВР, се известува и Одделот за внатрешна контрола и професионални стандарди и доколку се обезбедат докази дека сториле кривично дело или прекршок со елементи на насилство, против нив ќе бидат преземени соодветни мерки – велат од МВР.
Четири лица завршија во болница со телесни повреди по физичка пресмета која се случила попладнево околу 15 часот во скопската населба Бутел.
Инцидентот кулминирал со доаѓањето на двајца браќа инаку вработени во специјалната единица алфи за кои нема информации од полицијата дали таму биле повикани на должност.
Двајца од повредените во тепачката завршиле во болницата 8-ми септември, а другите двајца се пренесени во Ургентниот центар и болницата Св. Наум Охридски.
Според лекарите, сите се здобиле со телесни повреди. Еден од учесниците во тепачката бил веднаш приведен и е пренесен во полициската станица Чаир. На самото место биле пронајдени пиштол и чаури.