Таткото на Оскар Писториус, кој е уапсен поради убиство на Рива Стинкамп, изјави дека не се сомнева оти неговиот син злосторството го сторил мислејќи дека во прашање е крадец.
„Нема сомнежи дека немал намера да наштети некому, јасно е. Многу е апсурдно воопшто да се помисли такво нешто. Кога ќе се разбудите сред ноќ, имајќи предвид се што се случува во Јужна Африка, како треба да постапите кога некој во е во куќата? Дали воопшто помислувате дека е некој од вашите блиски? Се разбира не“, вели Хенке Писториус, кој додава оти целото семејство ќе стори се што е потребно, да се зачува честа и името на синот.
Инаку, светските медиуми објавуваат нови детали околу убиството, а според британски „Сан“ во куќата на Писториус каде беше извршено убиството се пронајдени недозволени супстанции, како и големо количество на алкохол.
Затоа јужноафриканскиот спринтер бил подложен на тестирање на стероиди, бидејќи постои сомнеж дека тој под дејство на комбинација од недозволени супстанции и алкохол ја усмртил Стенкамп.
Ден претходно беше објавено дека во куќата на Писториус е пронајдена и крвава палка за крикет која била користена во убиството, па полицијата смета дека има доволно докази против спринтерот.