Иако научниците сè уште ги анализираат резултатите од минатогодишното откритие на Хигсовиот бозон, она што може да се добие како заклучок од досегашните податоци не носи добри вести. Според нив на Универзумот не му се пишува добро.
„Доколку го искористите целото наше знаење од физиката, и врз основа на тоа направите калкулација, добивате лоши вести“, изјави Џозеф Ликен, теоретски физичар од националната лабораторија за акселерација Ферми во Илиноис.
„Доколку се искористи сето наше знаење од физиката и врз основа на тоа направите пресметка во прашање се лоши вести“ – вели теоретскиот физичар Џозеф Ликен, кој оваа констатација ја искажа на собранието на Американската асоцијација за напредок во науката.
„Возможно е универзумот во кој живееме да е нестабилен и можно е за неколку милијарди години тој да биде збришан“ – додава Ликен, кој е еден од научниците што работеа на големиот хадронски судирач во Церн.
Физичарите минатата година објавија дека нашле субатомска честичка наречена Хигсов бозон, која се верува дека на материјата и дава маса. Истата според научниците е голем чекор напред до разрешување на мистеријата околу тоа како настанал нашиот Универзум.
Според нив, досегашните резултати велат дека за неколку милијарди години ќе се случи катастрофа. Еден малечок меур, што може да се објасни како паралелен Универзум ќе се појави во некој дел од космосот, ќе се прошири и ќе уништи се.