Авион со 72 патници се урна денеска во Непал, а во несреќата загинаа најмалку 16 лица, соопштија официјални претставници на таа држава.
Авионот АТР72 на авиокомпанијата Јети ерлајнс (Јети ерлајнс) летал од Катманду кон Похара и при слетувањето се урнал и се запалил, јавија светските агенции.
Во авионот имало 68 патници и четворица членови на екипажот, изјави портпаролот на авиокомпанијата, додавајќи дека не се знае дали има преживеани. Од местото на несреќата се извлечени 16 тела.
Авионот се урнал меѓу стариот и новиот аеродром Похара во централен Непал, 200 километри западно од Катманду.
-Трупот на авионот бил во пламен, а спасувачите се обидувале да го изгаснат пожарот, изјави локален претставник на Гурудут Дак.
Тој рече дека нивните напори сега се насочени кон гаснење на пожарот и спасување на патниците.
Непалските војници се вклучени во спасувањето на местото на несреќата во близина на аеродромот во туристичкиот град.
-Очекуваме да извлечеме уште тела, рече воениот портпарол, додавајќи дека авионот „се распаднал на парчиња“.
Непалскиот премиер Пушпа Камал Дахал свика итен состанок на неговиот кабинет и ги повика државните агенции да работат на спасувачката операција.
Извор: МИА