Како што јави ДПА, шерифот на округот Бјут, Кори Хани на прес-конференција соопшти дека бројот на лицата кои се сметаат за исчезнати пораснал од 631 на 1.011.
Според него, сепак, не е исклучено некои од овие лица да биле „изброени двапати“ или пак да успеале да побегнат пред стихијата, но не е познато каде се наоѓаат.
Овај пожар е досега најсмртоносната и најдеструктивната огнена стихија во историјата на Калифонија. Бројот на загинати е речиси тројно поголем од досега најтрагичниот пожар во Калифорнија, што се случил во паркот „Грифит“ во близина на Лос Анџелес во 1933 година, кога животите ги загубиле 26 лица.
За денеска е најавено дека американскиот претседател Доналд Трамп ќе допатува во Калифорнија за да се сретне со лицата чии домови се уништени во пожарот.