Пронајдено е мртвото тело на најпознатиот француски адвокат Оливиер Метзнер во близина на неговиот приватен остров на францускиот западен брег.
Познат како „Адвокатот на гангстерите“, клиенти на Метзнер биле бившиот панамски диктатор Мануел Нориега и бившиот француски премиер Доминик де Вилпен.
Извори велат дека телото на адвокатот е пронајдено во заливот Морбихан, на францускиот западен брег во неделата наутро.
Набрзо во куќата е пронајдено и проштално писмо. По аутопсијата ќе се знае точната причина за смртта.
Полицијата потврдила дека 63-годишниот адвокат е мртов, но деталите околу смртта не ги откриле.
Некои медиуми пишуваат дека станува збор за самоубиство, но тоа официјално не е потврдено.
Метзнер го бранеше Нориега за обвинувања за перење пари во Франција. Во писмо до неговата најстара ќерка, Нориега вели дека е изненаден и длабоко погоден кога дознал за смртта на Метзнер.
Освен тоа, Нориега отфрла можност за самоубиство и вели дека е сосема неспојливо со природата на Метзнер.