Седницата на Собранието на која на дневен ред беше дополнетиот Предлог буџет за 2018 година денеска е преместена за 22 декември. Наместо неа, закажано е продолжение на 22. седница на која треба да биде именуван јавниот обвинител, како и да бидат разгледани реформските закони за правосудството.
Владата на 7 ноември му предложи на Собранието за јавен обвинител на Република Македонија да биде именуван Љубомир Јовески, член на Советот на јавни обвинители.
За именување на јавен обвинител Собранието на РМ одлучува со просто мнозинство од 61 глас. Јавниот обвинител има мандат од шест години со право на повторно именување.
ВМРО ДПМНЕ соопшти дека и денеска нема да учествува во работата на Собранието и неговите тела.