Кандидатите за номинација од Републиканската партија за претседателските избори во САД сенаторите Тед Круз и Марко Рубио на последната дебата пред клучните партиски избори, жестоко го нападнаа фаворитот Доналд Трамп.
Тема на дебата воочи клучното гласање во најголем дел беа прашањата за имиграцијата, здраственото осигурување ио односите кон латино заедницата, но дебатата набрзо се претвори во долги кавги, викање и размена на лични навреди.
Рубио кој по претходните дебати се наоѓа на второто место повеќепати го нападнаа Трамп.
– Да не наследеше 200 милиони долари, знаете каде же беше сега Трамп? Ќе продаваше часовници на Менхетен, рече Рубио.
Повеќе од два часа Рубио и Круз синхронизирано го напаѓаа Трамп поради неговата работа, поради „лицемерието“, а ги ставаа на тест и неговите конзервативни квалификации и ги критикуваа неговата неукост во водењето политика и фалбите на своја сметка.
– Се забавувате нели?, ги праша Трамп во еден момент.
Трамп во моментов е во водство во 10 од 11 држави пред гласањето во тнр. Супер вторник, денот кога за номинираните претседателски кандидати се гласа во 10 сојузни држави и една американска територија.
Ова гласање се смета за пресвртен момент во најголем број од досегашните претседателски избори во САД и е клучен индикатор кој ќе ја добие номинацијата.
Кај Републиканците во трката се мултилијардерот Трамп, сенаторите Марко Рубио и Тед Круз, гувернерот на Охајо Џон Касич и пензионираниот неврохирург Бен Карсон.
За да освои партиска номинација, кандидатот мора да ги добир гласовите од 1.237 делегати, од кои дури 595 се добиваат на Супер вторникот.