Македонската фудбалска репрезентација вечерва од 18 часот во Букурешт ќе игра со Австрија, и тоа ќе биде историски прв натпревар на едно Европско првенство.
Мигот кој го чекавме 30 години, конечно, се оствари. Македонија е дел од ЕУРО и ќе оди на успех во групата, во која покрај Австрија се Украина и Холандија.
Македонските фудбалери подготвени го очекуваат почетокот на ЕУРО кое веќе трае два дена.
Од националниот тим во последните неколку дена низ прес-конференции најавуваат давање на максимум и беспоштедна битка за добар резултат и успешен настап на ЕП.