Актерот Филип Сејмур Хофман своите недвижнини ги оставил на партнерката Мими О’Донел, соопштуваат американските медиуми. Оскаровецот својот тестамент го напишал во 2004 година, во кој оставил строги инструкции за својот син Купер.
Според тестаментот, Хофман бара неговиот 10-годишен син да биде одгледан во Менхетен како би ја искусил културата, уметноста и архитектурата на градот. Менхетен е градот каде што живеела фамилијата на Хофман. Доколку барањето не биде исполнето, Филип Сејмур Хофман би сакал неговиот син единец да живее или во Чикаго или во Сан Франциско.
Доколку и тие два града не станат дом за неговиот син, тој би сакал Купер да ги посетува најмалку два пати годишно. Можноста за живот во Холивуд не е спомната во тестаментот.
Актерот познат по улогата на Капоте во истоимениот филм, и неговиот син биле многу блиски, а често ги посетувале кошаркарските натпревари во САД. „Моето слободно време го трошам до друштво со моите деца“, изјави претходно Хофман за „Ас“.
На 2.февруари Филип Сејмур Хофман беше пронајден мртов во неговиот стан во Њујорк на 46-годишна возраст, предозиран од хероин. Некои од неговиоте најпознати пријатели, меѓу кои Мишел Вилијамс, Жоакин Феникс, Ејми Адамс и други, присуствуваа на приватниот погреб во Њујорк на 6.февруари.
Хофман и дизајнерката Мими О’Донел се родители на уште две деца, Талула 7, и Вила 5.