Австријката Наташа Кампуш која била држана во заложништво осум години од страна на Волфганг Приклопи, во интервју за германската телевизија АРД изнесе застрашувачки детали кои го потресоа светот. Таа првпат проговори за односите со киднаперот, кој по нејзиното бегство, се самоубил.
Наташа признала дека нејзиниот киднапер Волфганг Приклопил ја силувал. Таа одлучила низ филм да ја раскаже својата приказна за да сите ја остават на мира. Филмот под име „3096 дена“ ќе излезе следниот месец, а во истиот се раскажува за нејзиниот живот во подрумот во куќата во која Приклопил ја затворил.
Прикопил Наташа ја киднапирал на 2 март 1998 година, на патот кога одела накај школо. Таа тогаш имала само десет години. Ја држел затворена во подрум на својата куќа во близина на Виена, а успеала да побегне на 23 август 2006 година, во момент кога телефонирал. Набргу по нејзиното бегство тој извришил самоубиство, фрлајќи се под воз.
Секој ден со позитивни мисли се обидувам да согледам што ми се случи. Никогаш нема да проживеам младост каква што имаат останатите тинејџери. Но ми помага кога други луѓе ми ги раскажуваат своите искуства од тие години, вели Наташа во интервјуто.
Наташа секаде со себе ја носи неговата слика, живе во неговата куќа и ја вози неговата кола, а патува под лажно име поради преголемото внимание кое го привлекува каде и да се појави.
Таа вели дека не сака други да живеат во таа куќа, не сака друг да го гледа местото каде таа беше мачена и да има пристап до тој подрум.