Градот Ираклион, каде се наоѓаше храмот во кој била крунисана Клеопатра, бил еден од најзначајните трговски центри во Средоземјето, пред да исчезне во денешниот Абукирски залив.
Ираклион беше откриен во 2001 година, а по повеќе од десет години ископување, научниците направија 3Д мапа, која го отсликува животот во древниот трговски центар.
Со векови се сметаше дека Ираклион е митски град, токму како и Атлантида, се до пред 12 години, кога подводниот археолог Френк Годио, ги пребаруваше египетското крајбрежје во потрага по француски воени бродови, кои учествувале во поморската битка кај Абукир, и во таа прилика случајно наиде на исчезнатиот град.
Откако ги тргнаа сите слоеви песок и мов, нуркачите откриле докази за извонредно богатство и создадоа слика за тоа како пред повеќе од илјада години, изгледал животот во тогашниот трговски центар Ираклион.
Археолозите пронајдоа остатоци од повеќе од 64 бродови, закопани на дното на морето, околу 6,5 километри од крајбрежјето на Египет. Тоа е најголем број древни бродови некогаш откриен на едно место.
Покрај тоа, пронајдоа 700 ѕидари, златници и тегови од бронза и камења, кои веројатно била користени во трговијата, како и за пресметување на даночните стапки.
Меѓународниот тим научници откри и остатоци од легендарниот храм Амун-Гереб, во кој Клеопатра ја презема власта над Египет.
Камените блокови со текстови на грчки и староегипетски јазик, повеќе десетина саркофаги во кои веројатно се наоѓаат мумифицирани животни кои се приложувани како жртва за храмот Амун-Гереб, исто така биле дел од откриеното богатство.
Научниот тим допрва треба да утврди што го предизвикало потонувањето на градот, но според главната хипотеза, причината била нестабилноста на темелите на Ираклион на кои бил изграден градот. Нивото на морето пораснало и сето тоа заедно веројатно довело до тоа градот да потоне 3,5 метри.