Кога е во прашање овој проблем, за кои повеќето сметаат дека е “пореметување“ , најважно е да се воочи на време и брзо да се реагира.
Француските научници сметаат дека ја пронашле потенцијалната причина, која е скриена во минијатурни рецептори во очите кај оние кои имаат проблем со читањето, покажале резултатите на неодамна објавената студија.
Кај лицата кои го немаат овој проблем, рецепторите за светлост немаат иста форма во двете очи, туку се асиметрични.
Кај лицата со дислексија таа зона е симетрична во двете очи, покажува оваа студија.
Тоа би можело да биде една од причините за конфузија во мозокот, бидејќи се прават обратни слики, како превртено огледало, а мозокот незнае која треба да ја избере.
-Нашите проучувања ни овозможија да заклучиме дека е пронајдена една од причините за дислексија, вели еден од авторите Гај Ропарс од Универзитетот во Рен и додава:
-Асиметријата е потребна за да се елиминира обратната слика која го спречува нормалното читање.
-Постоењето на временска разлика помеѓу примарната и обратната слика ни овозможува да смислиме метод како би се избришала обратната слика која ги мачи дислексичарите, благодарение на користењето на ЛЕД ламба, појаснува Ропарс.
Луѓето кои имаат проблем со дислексија ја нарекуваат “волшебна ламба“. Од овој проблем страдаат повеќе од 700 милиони луѓе во светот.