Научниците кои долги години работат врз ДНК на големиот Ренесансен уметник Леонардо Да Винчи, создавач на култната слика на ,,Мона Лиза“, се многу блиску до потврдата на генетската основа за талентот на уметникот.Откриено е дека Да Винчи има 14 живи машки роднини, изјавуваат аналитичарите на неговото семејно стебло.Очекувањата се овие 14 живи роднини, еден ден да им помогнат на истражувачите да утврдат дали коските од Француската Капела му припаѓаат на италијанскиот генијалец.
Историчарите Алесандро Вецоси и Агнезе Сабато поминаа повеќе од една деценија трагајќи по семејното стебло на славниот сликар. Нивната мапа се протега на 690 години, 21 генерација и пет семејни гранки и ќе биде од витално значење за да им се помогне на антрополозите да ја следат ДНК на Да Винчи со редослед на ДНК на неговите потомци, велат истражувачите.
Надвор од утврдувањето на идентитетот на неговите можни остатоци, секвенционирањето на ДНК на уметникот може исто така да им даде на научниците подобро разбирање на „неговите извонредни таленти – особено неговата визуелна острина, преку генетски асоцијации“, тврдат претставници од ДНК Проектот Леонардо Да Винчи, иницијатива што има за цел да ги искористи генетските информации за да создаде 3D слики на да Винчи преку процес наречен ДНК фенотипизација.
Да Винчи бил сликар, архитект, пронаоѓач, анатомист, инженер и научник. Првенствено самообразован, тој наполни десетици тајни тетратки со необични пронајдоци и анатомски набљудувања.Тука се познатите скици како што е „Виртрувскиот човек“, да Винчи пишувал пораки кодирани во неговиот сопствен стенопис за да ги сокрие студиите од љубопитните погледи. Заедно со деталните цртежи на човечката анатомија, земени од набљудувањата на расечените трупови, неговите тетратки содржат дизајни за велосипеди, хеликоптери, тенкови и авиони. Во новата студија, Вецоси и Сабато користеле историски документи од архивите заедно со директни извештаи од преживеани потомци за да трагаат по пет гранки на семејното стебло да Винчи. Според историчарите, Леонардо бил дел од шестата генерација на да Винчис.Истражувањето на семејната историја на Да Винчи е тешко затоа што само еден од неговите родители може правилно да се следи.Роден како вонбрачно дете во тосканскиот град Анчијано, Леонардо да Винчи бил син на адвокатот од Фиренца Сер Пјеро да Винчи и селанка по име Катерина. Истражувањето на Мартин Кемп, историчар на уметноста на Универзитетот во Оксфорд, сугерира дека Катерина била 15-годишна сирачка за време на раѓањето на Да Винчи, објави претходно „Лајв сајанс“ На 5-годишна возраст, младиот да Винчи бил однесен во неговиот семеен имот во градот Винчи, по кој неговото семејство го зело презимето, за да живее со неговите баби и дедовци. Да Винчи починал на 2 мај 1519 година, на 67-годишна возраст. Не е познато дали имал деца а било изгубено и неговото тело за чии делови има наводи дека биле пронајдени на неколку места во светот.