Зоран Иванов: Децава од “Кој е следен” ја имаат мојата безрезервна поддршка ама некој да им каже дека не е до системот туку дека е до надлежните во системот. До одговорните на позициите во системот. А тие се персони со име и со презиме. Па препорачувам да почнат да прозиваат надлежни и одговорни за секој сегмент во системот каде што тој, системот, затајува. Каде што нешто не функционира. А не функционира не поради системот туку поради платените одговорни во него и поради партиски врзаните за него. Паролата “системот е виновен” е магла. Неточна е. Бега од суштината. Системот може да е лош, да му треба промени, модификации. Но системот сам по себе не може да е виновен. Виновни можат да се само луѓето во системот. Луѓето со функцијии. Оние со име и со презиме можат да бидат виновни, а не системот. Значи, не прозивајте апстракции како “системот” туку поченете да прозивате имињата и презимиња на носители на непостапувања во системот. Одговори барајте од нив. Јавни одгвори. Така ќе профункционира систем каков што огромното мнозинство посакуваме. А вака, само со „системотот е одговорен“, одговорните во системот само ви се и само ни се маскираат. Надлежните ни се кријат токму во системот. И, сакајќи, несакајќи, покривајќи ги со „виновен е системот“ ги амнестирате од нивната персонална одговорност во системот во кој тие егзизтираат.
Од Фејсбук ѕидот на авторот