ВИДЕО: Снимки од исчезнувањето на авионот од радарот
Сите 150 патници и членови на екипажот загинаа откако авионот Ебас А 320 на компанијата Џерман Винг, кој денеска се урна во Јужна Франција, изјави денеска францускиот министер за сообраќај, Ален Видали.
„Повикот за помош на авионот Ебас А 320 е снимен во 10.47 часот, врз основа на што е утврдено дека авионот се наоѓал на височина од пет илјади стапки во неприродна состојба по што набргу паднал“ , изјави Видали.
Авионот летал од Барселона до Дизелдорф, а се урна во Француските Алпи меѓу општините Дин и Барселонет, сто километри северно од Ница.
Во авионот имало 150 патници и членови на екипажот. Шпанскиот вицепремиер Сораја Сајенс де Санта Марија изјави дека 45 од патниците најверојатно биле Шпанци.
Претходно и францускиот претседател Франсоа Оланд рече дека во несреќата нема преживеани и дека меѓу загинатите најмногу се Германци. Тој дополни дека најверојатно меѓу загинатите нема Французи, туку биле Шпанци, Германци и Турци.
Оланд за овој инцидент разговарал и со германската канцеларка Ангела Меркел, а нејзиниот потпарол соопшти дека таа била многу вознемирена и ги откажала сите свои средби.
Шпанскиот премиер Маријано Рахој на Твитер напиша дека е потресен од несреќата, која ја квалификува како трагедија.
Германскиот министер за транспорт Александер Добрин отпатува на местото на несреќата, во зоната која е покриена со снег и непристапна за автомобили.