Директорот на КПД Идризово Живко Пејковски соопшти дека во Идризово затворениците не штрајкуваат и дека освен најавите на социјалните мрежи и во медиумите, во затворот помеѓу затвореницте не станало збор за такво нешто.
Претходно адвокатот Звонко Давидовиќ кој е правен застапник на повеќе осуденици соопшти дека затворениците најавиле протест, но пшто точно се случило внатре тој не би можел да коментира.
Давидовиќ вели дека имало најави и дека дел од семејствата на осудениите ќе се појават пред затворот, но до овој момент тоа не се случи.
Инаку во Идризово денеска се редовните посети на роднините на осудениците, кои носеа храна, но никој од нив немаше сознанија за протест.
2.000 осудениците испратија писмо до претседателот Иванов со барање да им се намалат казните за 30 проценти, а во доколку не се случи тоа тие ќе излезат на протест, а нивните родните ќе бидат пред затворите. Како мерки најавија и штрајк со глад и бојкот на гласањето на следните избори.
Како една од причините зошто Претседателот треба да реагира на нивното барање беше пренатрупаноста на затворите каде осудените се сместени во двојно поголем број од капацитетите со кој располагаат затворите.
Директорот Пејковски денеска призна дека има пренатрупаност во Идризово, меѓутоа се надева дека до септмври со изградба и реновирање на дел од објектите ситуацијата ќе се поправи.