На денешното рочиште за случајот „Фабрика за афери“, претставници на МВР снимаа во судницата, што наиде на реакција од одбраната дека МВР неовластено снима.
По ова, судијката Гордана Спиревска, им нареди на лицата да престанат да снимаат.
На прашањето на Спиревска кој дозволил снимање, лицето од МВР одговори дека тоа доаѓа од надлежниот старешина, по што судијката побара снимките веднаш да бидат избришани. Но тројвата лица од МВР и понатаму останаа во судницата.
На денешното рочиште, одбраната на Захир и Имер Беќири требаше да предлага сведоци, а нивниот адвокат Мирослав Вујиќ побара пред се да бидат презентирани доказите – предметите одземени од домот на Захир Беќири, кои се однесуваат на првото кривично дело кое им се става на товар на браќата – изработување и набавување оружје и средства наменети за извршување на кривично дело од членот 395 ст. 1 вв со чл. 22
Одбраната побара овие докази да се издвојат од предметот.