Глобалните корпорации Нестле, Пепсико и Унилевер се обвинети за илегално уништување на загрозените прастари тропски или дождовни шуми во Суматра каде што живеат слонови, органгутани, носорози и тигари во уникатен екосистем на еден од најглемите индонезиски острови. Освен тоа, дождовните шуми кои ги има само на линијата на екваторот обезбедуваат 80 проценти од кислородот на планетата земја, а поради човековата негрижа и уништување овие шуми почнуваат драстично да ја намалуваат својата територија во последните три децении. И покрај тоа што е забрането, корпорациите користејќи се со деловни и законски итроштини стигаат до остварување на своите намери – сеча на скапоцените тропски шуми по секоја цена со цел да се направи простор за плантажи за палминово масло.
Ако не се преземат итни акции за да се имплементира комплетно политиката на забрана на сечење на шумите, овие брендови ќе бидат запаметени како корпорациите кои го уништиле последното место на планетата земја каде што едни покрај други живеат слоновите, органтутаните, тигрите и носорозите, се вели во студијата подготвена од Мрежата за акции за дождовните шуми РАН.
Користејќи сателитиски податоци, фотографски докази и ЏПС координати, истражувањето се базира на докази собрани на почетокот на годинава со цел да покаже дека тековно и илегално се сечат дождовните шуми и покрај мораториумот прогласен минатиот јуни.
На местата каде што се сечат шумите се садат плантажи со палминово масло, а за овие нелегални сечи и плантажи се обвинети и Мекдоналдс, Марс, Келогс, Проктер анд Гембл, се вели во извештајот.