САД соопштија дека два бомбардери Б-2, невидливи за радарите, во четврток ја надлетаа Јужна Кореја, за да ја одвратат Северна Кореја од евентуален напад на оваа земја.
Ангажирањето на “невидливите“ бомбардери е јасна порака до Пјонгјанг за одлучноста на Америка да ја одбрани Јужна Кореја од каква и да е агресија, во време кога воените тензии на Корејскиот остров се во пораст, пренесува Макфакс.
Пјонгјанг, во средата ја прекина последната „жешка“ телефонска линија со Јужна Кореја и ја подигна борбената готовност на своите ракетни единици, кои ги нанишанија американските бази во Пацификот, пренесе AFP.
Бомбардерите Б-2, од воздухопловната база во Мисури прелетаа 20.800 километри до Јужна Кореја и назад, а при тоа не слетуваа.
Авионите погодија мети на воениот полигон во Јужна Кореја, соопшти војската на САД.
„Ова покажува дека САД се способни да обават летови со долг домет и да извршат брзи и прецизни напади кога е тоа потребно”, се наведува во текстот.
Летовите биле дел од заедничката воена вежба на двете земји, што ја налути Северна Кореја.
Американскиот министер за одбрана, Чак Хejгел, му рече на својот јужнокорејски колега во Сеул дека може да се потпре на воената заштита на САД и американската нуклеарна, конвенционална и ракетна одбрана.