Во Манила на Филипинските острови, поради тропските бури кои предизвикаа поплави и клизање на земјиштето, откажани се авионските летови, затворени се училиштата а бродовите се закотвени на пристаништата, соопшти управата за справување со кризни ситуации.
Уште во 14 други области на Филипините се издадени предупредувања за невреме.
Извршниот директор на Националниот совет за управување со несреќи, Александар Пама изјави дека бурите ќе донесат и силни врнежи од дожд.
– Поморскиот сообраќај и риболовот на северниот дел од земјата ќе бидат стопирани бидејќи очекуваме бранови во висина и до четири метри, изјави Пама.
Тој објаснува дека војската била на готовс во случај да е потребна итна евакуација на населените места покрај бреговите.
Во просек околу 20 тајфуни ги зафаќаат Филипинските острови во една година. Во 2013 беше и најсилното невреме, кога загинаа повеќе од 6.300 луѓе а по 1.000 се уште се трага.