Тито Петковски
Народната мудрост, пред избори и по риболов најмногу се лаже,никогаш не губи на актуелност.
Разликата е во тоа што,тој што лаже по риболовот дека фатил најголема риба, го билда само неговото лично его, на сметка на “несреќниот” рибар.
Лажењето на избори има големи последици и по расположението на изневерените гласачи и по развојот на државата и општеството.
По склучувањето на Преспанскиот договор,ВМРО ДОМНЕ започна кампања “Никогаш Северна, само Македонија”, што практично значеше непризнавање на Преспанскиот договор.
Со тој слоган продолжија и за време на преди изборната кампања.
Последиците по развојот на државата и општеството ќе ги видиме допрва.Но влијанието на оваа лага на расположението на граѓаните кои се почувствуваа измамени е евидентно.
Ќе Ви наведам само еден пример.
Два дена по објавувањето на резултатите од последните избори,случајно го сретнав извесниот Сашо кој живее во Влае и пее во хорот при Домот на култура на градежните работници.Се разбира,си разменивме впечатоци од изборите.Сашо беше многу среќен од изборните резултати,но најмногу се радуваше на фактот што (според него) конечно си го вративме нашето уставно име и не напразно со години на назад на спортски натпревари и други масовни собири,постојано го употребувал тој слоган. И најважно од се’,се радуваше на фактот што веќе не ќе мора да ги менува личните исправи во контекст на новото уставно име на државата.
Не сум го сретнал Сашо откако мандатарот на новата влада јавно соопшти дека ќе го почитува Уставот и законите,за да истото го прават и граѓаните.
Би сакал да го сретнам и да го прашам, или доколку го прочита овој
пост на fb, како се чувствува сега по големата измама?
Се надевам не многу пријатно не зависно што сега новата власт проблемот го префрла на теренот на човековите права и слободи.
(Од Фејзбук ѕидот на авторот)