Само избор на Влада веднаш е решение за проблемот на земјоделците со субвенциите, што го создаде несовесната, неодговорна и криминална власт во заминување, изјави денеска Љупчо Николовски, пратеник од СДСМ.
-Нема оправдување за четирите месеци лаги на најодговорните во овој сектор. Нема оправдување за тоа што го направија Цветков, Миноски и Златков, на чело со Никола Груевски. Лагите завршуваат. Првин беше проблем Изборниот Законик, па директорските смени во Платежната агенција, па се полагаше англиски јазик, па се чекаше министерот за финансии од Америка, за да секојдневно Цветков најавуваше, од секој понеделник, од секоја среда, почеток на исплата на субвенциите, рече Николовски на прес конференцијата.
Тој истакна дека земјоделските субвенции не се партиска мерка, туку државна и предупреди дека со ист ваков проблем може да се соочат и вработените во училиштата, градинките, општините кои по 15 мај остануваат без градоначалници и совети, а со тоа и без плати.