И додека повеќето актуелни и поранешни функционери останаа само на декларативни заложби за потреба од носење на законска регулатива за конфискација на нелегално стекнат имот изминатите 30 години, според последните најави од Владата ова законско решение веќе е во финална фаза на конципирање и на почетокот на септември влегува во процес на јавна дебата.Точно на оваа тема вечерва, меѓу другото, за тв 21 говореше Вицепремиерот за борба против корупција и криминал Љупчо Николовски, кој вели:
– Мило ми е што ние сме нова генерација на политичари без никави дамки и дилеми и сме дел од новото законско решение.За прват по 1974 ќе донесеме законска рамка да има закон за потекло на имот никој да не се богати на грбот на граѓаните и ги ослободуваме сите слабости на институциите при конфискацијата и поделбата на нелегално стекнатиот имот. Досега видовме дека управните постаки за жал се неуспешни, ДКСК на пример досега нема ниту една постапка во која е запленет некаков нелегално стекнат имот“ потенцира Николовски.
Законот ќе важи за сите граѓани а тоа значи и за сите поранешни функционери односно ќе ги опфати сите оние кои имаат имот или пари во вредност од над 30.000 евра а немаат доказ за неговото потекло. Сето ова ќе биде ставено на проверка. Се очекува законот да делува превентивно односно да ги демотивира граѓаните на нивно име да се впишува имот на туѓо лице со акцент на носителите на функција. Нашата судска пракса, според Николовски, детектирала случаи на лица и со пресуди и кривични постаки, кои и по цена да одлежат затворска казна,се нафаќаат потоа да си го вратат нелегално стекнатиот имот.
– Обвнителите посочија дека бараат итна и граѓанска постапка за да се конфискува имотот, поточно веднаш да се приложи сето она што го располагаат фунционерите, а ова во Италија се нарекува закон на мафијата, рече Николовски во гостувањето на тв 21.
Николовски истакна дека очекува поддршка од политичките чинители, со што сите би демонстрирале подготвеност односно би застанале на иста страна во борбата со корупцијата и организираниот криминал.
-Не може да возите кола од 50 илјдаи евра, да имате 5 стана или викендици и да не ви може никој ништо. Кривичните постапки не се ефективни нема конфискација, ДКСК нема ниту една конфискација, УЈП не успеала да го процесуира тоа. Како генерација сме различни и достојни и ќе држиме до целта. Законското решение се изработува на база на јасна физибилити студија и се спроведува во 10 тина земји, не бараме нови ингеренции туку законско решение за никој да не се збогатува на грбот на граѓаните, децидно порача Николовски.
Ова законско решение како и неодамна донесените одлуки на Владата за преполовување на бројот на членови на управни и надзорни одбори, се дел од планот за борба против корупцијата, потенцира вицепремиерот за борба против корупција и криминал Љупчо Николовски.
– Во политика не се влегува поради привилегии, туку како сервис на граѓаните. Влезени сме во постапка за ограничување на службените трошоци, денеска за тоа има строга процедура и се вклучени 1300 институции, а ќе донесеме и одлука за употребата на службените возилата, да не се користат од дома до работа и обратно, само за службени потреби и секако и паркирањето да биде на точно определени места. Да се докаже зошто се присуствувало на состанокот и кој се бил присутен, едноставно да се направи запсиник, коментира , меѓу другото вицепремиерот Николовски во своето гостување во тв 21.