Кристина Костова: За да изгласаат буџет како предизборно оружје во очи локалните избори, пред 13 години ДПМНЕ посегна по пендрек и удри по опозициските пратеници и по нас – народот, оние што го браневме народниот интерес надвор, пред Собрание.
Важно им беше само да испумпуваат народни пари кон приватни цели и беа подготвени на најсуров начин да се соочат со секој кој им се испречува на патот и им се спротивставува на намерата да ја опљачкаат и разнебитат земјава.
Ништо се нема променето кај ДПМНЕ до денес.
Ја туркаат земјава во амбис, финансиски ја умртвуваат, се богатат само неколкумина од нивниот врв на сметка на цел народ. Народ кој мизерува со минималец кој одбиваат да го покачат, со цена на струја и парно што растат, со покачени комуналии, со строга казнена политика, ама неисплатен ДДВ, задоцнети плати, породилно, пензии…
И се разбира – со нула понесена одговорност и оправдување пред граѓаните, додека газат по човековото достоинство и додека ги подриваат и така шупливите темели на демократијата.
Ништо се нема променето во начинот на практикување на власта од ДПМНЕ.
Единствено променети се граѓаните, уште помалку и од тогаш да застанат во пожртвувана и силна борба против расипничкото ДПМНЕ.
Не победува ДПМНЕ, туку апатијата.
Црниот понеделник не го забораваме, но лекциите од него остануваат ненаучени.
Извор: Фејсбук