Американскиот весник „Њујорк Тајмс” објави дека сириските бунтовници во борбите против режимот на Башар ал Асад, орушјето го добивале од Хрватска.
Според познатиот американски весник, големо количество на оружје се купувало од Хрватска, за потребите на сириските бунтовници и финансирано од Саудиска Арабија.
Како што пишува „Њујорк Тајмс” орушјето било наменето за групата бунтовници за кои западот смета дека се националисти, но секуларни, а би требало да направат противтежа на припадниците на екстремистичките исламистички групи од кои стравува и меѓународната заедница.
Но, сепак не е јасно дали и каков вид на улога во вооружување на сирискиот бунтовниците има Вашингтон, вели „Њујорк Тајмс”.
Официјални лица од САД и европските земји, како и разузнавачки агенции не сакаат јавно да ги коментираат наводите за контингентите со оружје кои пристигнуваат преку Саудиска Арабија и Јордан во Сирија. Само наведуваат дека се работи за многу чувствително прашање.
Хрватската Влада ги демантира тврдењата дека продаваар оружје на сириските бунтовници.