Нобеловата награда за физика за научници од САД, Канада и Франција

Тројца научници од САД, Франција и Канада добија Нобелова награда за физика за унапредување на ласерската физика.

Шведската кралска академија на науки му додели половина од 1,01 милиони долари на Артур Ашкин од САД, додека другата половина од наградата ја делат Жерар Моро од Франција и Дона Стрикленд од Канада, која е првата жена што ја добила оваа награда во областа на физиката во изминатите 55 години.

Академијата наведе дека Ашкин развил „оптички пинцети“ со кои можат да се фатат ситни честички како што се вирусите, а при тоа да не се оштетат.

Стрикленд и Моро помогнале во развивање кратки и интензивни ласерски импулси кои имаат широка индустриска и медицинска примена.