Нова серија на споменици во раните утрински часови беа набрзина поставени во центарот на Скопје, објави телевизијата 24 вести. Спомениците кои прикажуваат светци ќе ја красат административната зграда која се гради до Македонската опера и балет.
Договорот за изградба на зградата бил склучен во 2015 година и чини 10 милиони евра со ДДВ, а во него е вклучено и поставување на споменици, во договорот наведени како занаетчиски услуги.
Поставувањето на споменици доцна во ноќта не се случува првпат. Таков беше и случајот со спомениците кои доцна во ноќта беа поставени во Центар по локалните избори во 2013 година, кога меѓудругите поставени беа спомениците на Христо Узунов, Павел Шатев, Христо Татарчев, а неодамна таков беше и случајот со споменикот на албанскиот деец Пјетер Богдани.