Ирански медиуми јавија денеска дека утрово е почувствуван уште еден земјотрес со интензитет од 6,1 степен по Рихтеровата скала.
Погоден е јужниот дел од државата и притоа се повредени 58 луѓе. Најтешко е погодено селото Хаџак во јужната провинција Керман, на околу 700 километри од Техеран.
Подоцна се регистрирани уште неколку последователни потреси.
Земјотресот е регистриран на длабочина од 10 километри.
Провинцијата Керман вчера ја погоди силен земјотрес со магнитуда од 6,2 по Рихтер и притоа беа повредени 18 луѓе. Тој регион беше погоден од земјотрес во минатиот месец. Тогаш загинаа најмалку 530 луѓе.