Хакерската активистичка група „Анонимнуси“ синоќа, рано наутро ја нападна интернет страницата на Министерството за правда на американската влада, како одмазда за смртта на активистот Арон Шварц.

Тие во својата порака бараат праведна реформа и фер казни. Се заканија дека ќе објават инкриминирачки информации за Министерството, доколку не ги исполнат нивните барања.

Мајсторски напишаното писмо содржело многу метафори според кои може да се претпостави што би можело да содржат информациите што би го компромитирале Министерството за правда, а се во врска со некои актуелни светски настани.

Во пораката пишува дека Министерството за правда ја „поминало границата“ во врска со случајот со смртта на Шварц, заради „неоправдано високите казни“.

26- годишниот Шарц, од Федералниот суд беше обвинет за компјутерска измама и онлајн кражба на милиони документи. Обвинение, за кое можеше да добие пресуда за 35 години затвор.

„Анонимусите“ напишале дека бил „убиен“ бидејќи бил соочен со „невозможен избор“.

Семејството на Шварц, исто така, претходно изјави дека потенцијалната невообичаено висока и окрутна казна била главна причина за самоубиството на Арон Шварц.

Пораката на контороверзната активистичка група е придружена со видео порака на „Јутјуб“ во која има многу слики од „студената војна“.

Во продолжение на пораката, анонимниот автор тврди дека групата има добиено “доволно фузионен материјал за повеќе боеви глави”, кои ќе ги активира против Министерството и “неговите извршни гранки”, поврзани со неколку актуелни судии на Врховниот суд, секој во однос на одредена “боева глава.”

„Анонимните“ како и нивниот починат пријател Шварц, се поборници за отворен пристап до информациите и за програмирање со отоворен код.