Најмалку пет случаи сомнителни на подваријантата „стелт oмикрон“ ќе бидат секвенционирани во Институтот за јавно здравје, дознава НоваТВ.

Сепак, во лабораторија на приватна клиника во Скопје, денеска бил потврден и првиот случај на оваа подваријанта, BA.2 сојот.

Според информациите на НоваТВ,  првиот детектиран „стелт“ во земјава, со вирусот се заразил на 25 јануари, а примерокот во кој била изолирана подваријантата „стелт“ би изработен вчера. Пациентот за НоваТВ потврди дека е со многу лесна клиничка слика, имал  температура во првите 24 часа, а потоа никакви други симптоми. Бил вакциниран  со две дози вакцина пред 11 месеци и не патувал во странство.

Оттука, се поставува прашањето колку долго подваријантата „стелт омикрон“ циркулира во Северна Македонија.

До сега во земјава потврдени се вкупно 255 случаи на зараза со сојот „Омикрон“, објавија од Институтот за јавно здравје.

Завчера и Хрватска го потври првиот случај на заразен со подваријанта на омикрон-сојот BA.2.

(Б.Божиновска)